Iturria: Argia.eus 📷 “Euskara eroso ikasi eta bizi” kanpaina aurkeztu dute. (AEK)
Aukeratu zure maila:
Albiste sinplea, A1 mailarako
AEKk kanpaina berria hasi du. “Euskara eroso ikasi eta bizi” da leloa. Aurten alfonbra bat agertzen da kartelean. Alfonbra gonbidapena da. Euskara ikastea zaila dela uste dutenentzat da.
AEKko kide batek esan du euskara kalera atera nahi dutela. Horretarako, lehenik eta behin euskaltegiak bete behar ditugu. Ez dakienak ikasteko, dakienak hobetzeko, praktikatzeko…
Ekainaren 13an Euskaltzaleon Martxa egin zuten. Euskarak eta euskaldunok larrialdi linguistikoa bizi dugu. Pizkunde berria aldarrikatu zuten. Erronka nagusia da 2036. urterako 300.000 euskaldun gehiago izatea.
AEKk argi du helduen euskalduntze-alfabetatzea gako estrategikoa dela. Horixe da euskaltegion egitekoa.
Araba, Bizkai eta Gipuzkoako ikasleek Euskara Bonua estreinatuko dute. A1, A2 eta B1 mailetan matrikulatzen direnek 120 euro ordainduta, lau urtez ikasi ahal izango dute. Nafarroan, A1 mailako ikasleei A2 mailakoak batuko zaizkie eta %100ean berreskuratu ahal izango dute matrikula.
AEKk doakotasunaren bidean eman diren urratsak txalotu ditu. Beste baliabide batzuk ere funtsezkoak dira: agentzia berri bat sortzea, pertsona migratuen harrera linguistikorako baliabideak handitzea, eta lan munduan euskararen presentzia areagotzeko araudiak sustatzea.
1976-77 ikasturtean ikasle kopurua %300 handitu zen. Mugarri hark 50 urte bete ditu.
Albiste erraza, A2 mailarako
AEK-k kanpaina berria hasi du. Leloa hau da: “Euskara eroso ikasi eta bizi”. AEK-k alfonbra bat jarri du kartelean. Alfonbra gonbidapena da euskara ikasteko beldur denarentzat.
AEK-k euskara kalera atera nahi du. Horretarako, lehenik eta behin euskaltegiak bete behar ditugu. Ez dakienak ikasteko, dakienak hobetzeko, praktikatzeko…
Ekainaren 13an Euskaltzaleon Martxa egin zen. Euskarak eta euskaldunok “larrialdi linguistikoa” bizi dugu. Pizkunde berria aldarrikatu zuten. Erronka nagusia hau da: 2036. urterako 300.000 euskaldun gehiago izatea. AEK-k argi du helduen euskalduntze-alfabetatzea gako estrategikoa dela.
Araba, Bizkai eta Gipuzkoako ikasleek Euskara Bonua estreinatuko dute. A1, A2 eta B1 mailetan matrikulatzen direnek 120 euro ordainduta, lau urtez ikasi ahal izango dute. Nafarroan, A1 mailako ikasleei A2 mailakoak batuko zaizkie eta matrikula berreskuratu ahal izango dute. Ipar Euskal Herrian, enpresek eskaintzen dituzten formaziorako aukerak baliatu ditzake langileak, euskara doan ikasteko.
AEK-k doakotasunaren bidean eman diren urratsak txalotu ditu. Baliabide ekonomikoez gain, funtsezko jo dituzten beste batzuk dira helduen euskalduntze-alfabetatzearen inguruan agentzia berri bat sortzea, pertsona migratuen harrera linguistikorako baliabide eta erraztasunak handitzea, eta lan munduan euskararen presentzia areagotzeko araudi, baliabide eta plangintzak sustatzea.
1976-77 ikasturtean ikasle kopurua %300 handitu zen. Mugarri hark 50 urte bete ditu.
B1 mailarako egokitutako berria
AEKk euskara ikasteko kanpaina berria aurkeztu du. Aurtengo leloa “Euskara eroso ikasi eta bizi” da. Iazko kartelak besaulki bat zuen, baina aurten alfonbra bat jarri dute. Alfonbra hori gonbidapena da euskara ikasteko beldur den jendearentzat. AEKko kide Aize Otañok esan du euskara kalera atera nahi dutela. Horretarako, lehenik eta behin euskaltegiak bete behar ditugu. Ez dakienak ikasteko, dakienak hobetzeko edo praktikatzeko.
AEKk gogoratu du ekainaren 13an Euskaltzaleon Martxa egin zutela. Han, euskarak eta euskaldunok bizi dugun “larrialdi linguistikoa” aipatu zuten. Pizkunde berria aldarrikatu zuten, eta erronka bat jarri zuten: 2036rako 300.000 euskaldun gehiago izatea. Horretarako, helduen euskalduntze-alfabetatzea oso garrantzitsua da.
Dirulaguntza berriak daude euskara ikasteko. Araba, Bizkai eta Gipuzkoako ikasleek Euskara Bonua izango dute. A1, A2 eta B1 mailetan matrikulatzen direnek 120 euro ordainduko dute, eta lau urtez ikasi ahal izango dute. Nafarroan, A1 mailako ikasleei A2 mailakoak batuko zaizkie, eta matrikula osoa berreskuratu ahal izango dute. Ipar Euskal Herrian, langileek euskara doan ikasi ahal izango dute enpresen formazioaren bidez.
AEKk esan du doakotasuna oso garrantzitsua dela. EAEn eman diren urratsak txalotu ditu, baina gehiago behar dela esan du. Beste baliabide batzuk ere behar dira: agentzia berri bat sortzea, pertsona migratuen harrera linguistikorako baliabideak handitzea, eta lan munduan euskararen presentzia areagotzeko araudiak eta plangintzak sustatzea.
Aurten 50 urte bete dira 1976-77 ikasturtean ikasle kopurua %300 handitu zenetik. Horrek beste dimentsio bat eman zion helduen alfabetatze-euskalduntzeari.