Aukeratu zure maila:
Albiste sinplea, A1 mailarako
Etxeko langileek arazoak dituzte. ELE elkarteak laguntzen die. Elkarteak datuak biltzen ditu. Datuak webgunean daude.
Emakumeak eta migratzaileak dira etxeko langileak. 524 langilek laguntza eskatu zuten 2025ean. Langileak bi taldetan banatzen dira. Batzuk etxean bizi dira. Beste batzuk ez.
Langile egoiliarren egoera txarra da. 258 langilek laguntza eskatu zuten 2025ean. Denak emakumeak dira. Denak migratu dute. Zaharrak, gaixoak eta dibertsitate funtzionala duten pertsonak zaintzen dituzte.
Langileek lan asko egiten dute. %68k 60 ordu baino gehiago egiten du lan. Legeak 40 ordu esaten du. Langile batzuek ez dute atsedenik. %14k ez du egunero etxetik ateratzeko baimenik. %25ek ez du asteko atsedenik.
Albiste erraza, A2 mailarako
Etxeko Langileen Bizkaiko Elkarteak datu interesgarriak argitaratu ditu. Elkarteak aholkularitza zerbitzua eskaintzen du doan, etxeko langileei euren eskubideen berri emateko. 2025ean, 524 langilek jo zuten zerbitzu horretara. Emakumeak eta migratzaileak dira langile gehienak.
Langile batzuek etxe batean egiten dute lan, baina ez dute bertan lo egiten. Beste batzuek, berriz, etxea dute bizileku. Azken horien lan-baldintzak okerragoak dira. Iaz, 258 langile egoiliarrek jo zuten aholkularitza zerbitzura. Emakumeak dira, migratu dutenak, eta zaharrak, dibertsitate funtzionala dutenak eta gaixoak zaintzen dituzte.
Langileek lan asko egiten dute. Hamarretik batek ez dauka eguneko atsedenik. Asteko gehienezko lanaldia 40 ordukoa izatea eskatzen du elkarteak. Baina langileek 60 ordu baino gehiago egiten dituzte lan. Egoera administratibo erregularrean daudenen ehunekoa 65 da, eta paperik ez daukatenena, berriz, 73.
Legeak ez du ezartzen eguneko atseden zehatzik. Hala, atsedena neurtu daiteke legez asteko lanaldi luzeena (60 ordu) zein den kontuan hartuta. Kalkulu horren arabera, langileen %14k ez du eduki egunero etxetik ateratzeko baimenik. Asteko atsedenari dagokionez, legeak dio langile egoiliarrak gutxienez 36 ordu jarraian atseden egiteko eskubidea duela. Laurdenak baino gehiagok ez dauka asteko batere atsedenik.
B1 mailarako egokitutako berria
Etxeko Langileen Bizkaiko Elkarteak (ELE) Bilbon du egoitza. 1991tik aholkularitza zerbitzua eskaintzen die langileei, euren eskubideen berri emateko eta berauek exijitzen laguntzeko. Elkarteak estatistikak egin ditu, eta 2007tik aurrerako datuak bere webgunean daude.
Emakume eta migratzaile, langileen profila ez da aldatu. 2025ean, 524 langilek jo zuten aholkularitza zerbitzura eta haiek bizitako 671 egoera jaso zituzten txostenean. Langileak bi taldetan banatzen dituzte: kanpoko langileak eta etxeko langile egoiliarrak. Azken hauek bizitokia dute lantokia. ELEk azpimarra jartzen du langile egoiliarren egoeretan, haien lan-baldintzak baitira okerrenak.
Iaz 258 langile egoiliarrek egin zituzten argibide-eskeak, zerbitzua baliatu zutenen %38,45 da hori. Langileon ezaugarri nagusiak ez dira aldatu joan direneko urteetan: ia denak emakumeak dira, migratu dutenak, eta etxeetan zaharrak, dibertsitate funtzionala dutenak eta gaixoak zaintzen dituzte. Laurdena pasatxo egoera irregular administratiboan zegoen 2025ean.
ELEk asteko gehienezko lanaldia 40 ordukoa izatea eskatzen du. 2025ean, egoiliarren %68k 60 ordu baino gehiago egin zituen lan. Lanorduak erruz eta atsedenak urri. Legeak ez du ezartzen eguneko atseden zehatzik, hau da, etxetik atera eta aisiaz gozatzeko denbora tarterik. Hala, atsedena neurtu daiteke legez asteko lanaldi luzeena (60 ordu) zein den kontuan hartuta. Kalkulu horren arabera, Bizkaiko elkartera jo duten langile egoiliarren %14k ez du eduki egunero etxetik ateratzeko baimenik.