Iturria: Argia.eus 📷 Narendra Shrestha / Efe
Aukeratu zure maila:
Albiste sinplea, A1 mailarako
Nepalen eta Tibeten uholde handiak izan dira. Glaziar bat erori da. 1.370 pertsona hil dira Nepalen. 5.000 pertsona desagertuta daude. Tibeten 43 pertsona hil dira. 550 pertsona desagertuta daude.
Nepalgo Gobernuak laguntza eskatu du. Munduko herrialde kutsatzaileei eskatu die laguntza. Nepalek gutun bat idatzi dio NBEri. Hogei milioi dolar eskatu dizkio.
Nepalgo Atzerri ministroak hitz egin du. Esan du aldaketa klimatikoak denoi eragiten digula. Herrialde kutsatzaileek erantzukizuna hartu behar dute.
Nepalek ez du asko kutsatzen. Bere bizilagunek bai: Txinak eta Indiak asko kutsatzen dute. Txina da munduko herrialderik kutsatzaileena. India hirugarren kutsatzaileena da.
Glaziarrak urtzen ari dira. Azken urteetan azkarrago urtzen dira. NBEk esan du izotzaren erdia galdu dela.
Albiste erraza, A2 mailarako
Nepalen eta Tibeten uholde handiak izan dira duela bi aste. Glaziar bat erori zen eta horrek uholdeak eragin zituen. Jende asko hil da: Nepalen 1.370 pertsona eta Tibeten 43 pertsona. Beste asko desagertuta daude: Nepalen 5.000 eta Tibeten 550.
Nepalek dirua eskatu dio Nazio Batuen Erakundeari. Hogei milioi dolar eskatu dizkio. Diru horrekin uholdeak egin duen kaltea konpondu nahi dute.
Nepaleko Atzerri ministroak esan du aldaketa klimatikoak mundu osoari eragiten diola. Gehien kutsatzen duten herrialdeek erantzukizuna hartu behar dute. Herrialde horiek atmosferara gas gehiago botatzen dute.
Nepalek oso gutxi kutsatzen du. Baina bere bizilagunek, Txinak eta Indiak, asko kutsatzen dute. Txina da munduan gehien kutsatzen duen herrialdea. India hirugarrena da.
Ikerketa batek esan du Himalaiako glaziarrak azkar urtzen ari direla. Izotzaren erdia galdu dute 1990etik 2020ra.
B1 mailarako egokitutako berria
Nepalen eta Tibeten arteko mugan, glaziar batek lur-jausi eta uholde handiak eragin zituen duela bi aste. Ondorioz, 1.370 pertsona hil dira Nepalen, eta 5.000 desagertuta daude. Tibeten, berriz, 43 pertsona hil dira, eta 550 desagertuta daude. Nepalgo Gobernuak “justizia klimatikoa” eskatu die munduko herrialde kutsatzaileenei.
Nepalgo Gobernuak gutun bat bidali dio Nazio Batuen Erakundeari (NBE), hogei milioi dolar eskatzeko. Diru hori larrialdi klimatikoak jotako herrialde txiroei laguntzeko funts batetik atera nahi dute. Nepalgo Atzerri ministroak esan du aldaketa klimatikoak mundu osoari eragiten diola. Gainera, gehien kutsatzen duten herrialdeek erantzukizuna hartu behar dutela esan du.
Nepalek oso gutxi kutsatzen du, baina bere bizilagunek, Txinak eta Indiak, asko kutsatzen dute. Txina da munduan karbono dioxido gehien isurtzen duena, eta India hirugarren postuan dago. Ameriketako Estatu Batuak dira bigarren kutsatzaile nagusiak.
Ikerketa baten arabera, Himalaiako glaziarrak gero eta azkarrago urtzen ari dira. Izotzaren erdia galdu dute 1990etik 2020ra. Nepalgo Gobernuak uste du herrialde kutsatzaileek ordaindu behar dutela aldaketa klimatikoaren ondorioengatik.